50 બેડરૂમવાળો મહેલ થઇ શકે છે, તમારો, ખિસ્સું ઢીલું કરવું પડશે

તમને જો મધ્યકાળના કોઇ ભવ્ય કેસલમાં રહેવા મળે તો? જો તમે 3 કરોડ ડોલર જેટલું તમારૂં ખિસ્સું ઢીલું કરી શકો તો આ કેસલ તમારું થઇ શકે છે. અમેરિકામાં કેન્ટુકીમાં આવેલો આ દિવાલોથી સુરક્ષિત કેસલ 232 એકર વિસ્તારમાં પથરાયેલો છે.

મધ્યકાળના આ વિશાળ મકાનમાં 50 બેડરૂમ, 16 ગેસ્ટ સ્યુટ અને 19 બાથરૂમ છે. પથ્થરમાંથી બનાવાયેલા આ મહેલમાં હોર્સ ફાર્મ અને વધારાના બે ખાનગી રહેઠાણો છે.

આ ઉપરાંત તેમાં ઘણીં ઉંચી છતો, પાર્ટી આપવા માટે મોટો ડાઇનિંગ રૂમ તેમજ ફાયરપ્લેસ સાથેનો એક અલગ રૂમ, બાસ્કેટ બોલ, ટેનિસ કોર્ટ તેમજ સ્વિમીંગ પૂલ પણ છે. અહીં એક મ્યુઝીક રૂમ પણ છે, જેમાં ગ્રાન્ડ પિયાનો અને લિરીક હાર્પ છે, તેમ ડેઇલી મેલના એક અહેવાલમાં જણાવાયું છે.

કેન્ટુકીના પેલેસ ઓફ વર્સેઇલ્સ તરીકે ઓળખાતો આ કેસલ પહેલા ઇવેન્ટ ફેસિલીટી તરીકે વપરાતો હતો.

કેસલના માલિક ટોમ પોસ્ટ તેને મિટીંગો, પાર્ટીઓ અને લગ્નો માટે ભાડે આપે છે.