સેન્સેક્સ 94 પોઇન્ટ ઘટ્યો, પીસી જ્વેલર્સ 10 ટકા વધ્યો

એશિયન બજારોની મજબૂતી પાછળ વધારા તરફી ખૂલ્યા બાદ સેન્સેક્સ 90 પોઇન્ટ ઉછળ્યો હતો, પણ બજારોએ થોડી વારમાં જ વધારા તરફી દિશા છોડી ઘટાડા તરફી દિશા પકડી હતી. ટ્રેડિંગનાં અંતે સેન્સેક્સ 94 પોઇન્ટ ઘટી 19324 અને નિફ્ટી 35 પોઇન્ટ ઘટી 5870 પોઇન્ટની સપાટીએ બંધ આવ્યો હતો. લાર્જ કેપ ઉપરાંત મિડકેપ શેરો પણ આજે દબાણ હેઠળ જોવા મળ્યા હતા.

આઇટી, ઓઇલ એન્ડ ગેસ, ટેક્નિકલ, કન્ઝ્યુમર ડ્યુરેબલ્સ, કેપિટલ ગુડ્ઝ, એફએમસીજી શેરો 0.5-0.8 ટકા ઘટ્યા. જ્યારે હેલ્થકેર, રિયલ્ટી, પાવર શેરો 0.2-0.4 ટકા ઘટ્યા હતા. બેન્ક, ઓટો અને પીએસયુ શેરોમાં પણ ઘટાડો જોવા મળ્યો હતો.

પાવરગ્રીડ, ગેઇલ, ભેલ, સન ફાર્મા, એચસીએલ ટેક, આઇડીએફસી, બીપીસીએલ, કેઇન ઇન્ડિયા, રિલાયન્સ ઇન્ડ, જેપી એસોસિએટ્સ, જિંદલ સ્ટીલ જેવા અગ્રણી શેરોમાં એકથી બે ટકાનો ઘટાડો આવ્યો હતો.

બીજી બાજુ બેન્ક ઓફ બરોડા, ટાટા મોટર્સ, એસબીઆઇ, ઓએનસીજી, ડો રેડ્ડીઝ, એક્સિસ બેન્ક, હિંદાલ્કો અને બીએનબીનાં શએરોમાં 0.5થી 1.25 ટકાનો વધારો જોવા મળ્યો હતો.

પીસી જ્વેલર્સનું લિસ્ટીંગ બહુ સારૂં ન રહ્યું. શેરની ઇશ્યુ પ્રાઇઝ 135 રૂપિયા હતી અને તે 137 રૂપિયાની સપાટીએ ખૂલ્યો. જો કે પછીથી આ શેર 10 ટકા વધી 149 રૂપિયાની સપાટીએ બંધ આવ્યો હતો.