આકાશમાં પણ દુનિયાના સૌથી મોંઘા વૈભવી 'વિમાન'નો છે ઠાઠ

દુનિયામાં કેટલાંય લોકોની પાસે પોતાના ખાનગી જેટ છે પરંતુ જે જેટ એક વ્યકિતએ ખરીદ્યું છે તે દુનિયાનું સૌથી મોંઘું ખાનગી જેટ હશે. તેની કિંમત 50 કરોડ ડોલર આંકવામાં આવી છે અને તેની સજાવટનો ખર્ચ અલગથી છે. અમે વાત કરી રહ્યા છીએ સાઉદી અરબના શેખ અલવાલીદ બિન તલાલની. જેમને 2007માં એરબસ એ-380નો ઓર્ડર આપ્યો હતો. તમને જણાવી દઇએ કે આ દુનિયાનું સૌથી મોટું વિમાન છે.

આ એરબસનો સૌથી મોટો સિંગલ કસ્ટમર સોદો છે. આ વિમાનની ડિલવરી આ વર્ષે થવાની છે. અલવાલીદ બિન તલાલ સિટી બેન્કના સૌથી મોટા રોકાણકારોમાંથી એક છે. આ સિવાય અલવાલીદ બિન તલાલની પાસે કેટલાંય ખાનગી જેટ અને લકઝરી ગાડીઓનો કાફલો છે.